Għall-fini tan-notifika skont is-subartikolu (1), l-entitajiet ikkonċernati għandhom jippreżentaw lis-CSIRT:

(a) mingħajr dewmien żejjed u fi kwalunkwe każ fi żmien erbgħa u għoxrin (24) siegħa wara li jkunu saru jafu bl-inċident, twissija bikrija, li fejn applikabbli, għandha tindika jekk l-inċident sinifikanti huwiex issuspettat li ġie kkawżat minn atti illegali jew malizzjużi jew jistax ikollu impatt transfruntier;

(b) mingħajr dewmien żejjed u fi kwalunkwe każ fi żmien tnejn u sebgħin (72) siegħa minn meta jsiru jafu blinċident sinifikanti, notifika tal-inċident, li fejn applikabbli, għandha taġġorna l-informazzjoni msemmija fil-paragrafu (a) u tindika valutazzjoni inizjali tal inċident sinifikanti, inkluż isseverità u l-impatt tiegħu, kif ukoll fejn disponibbli, l-indikaturi ta’ kompromess;

(ċ) meta tintalab minn CSIRT, rapport intermedju dwar aġġornamenti rilevanti tal-istatus;

(d) rapport finali sa mhux aktar tard minn xahar (1) wara s-sottomissjoni tan-notifika tal-inċident skont is-subartikolu (5)(b) li jinkludi dan li ġej:

(i) deskrizzjoni dettaljata tal-inċident, inkluż isseverità u l-impatt tiegħu;

(ii) it-tip ta’ theddida jew il-kawża ewlenija li x’aktarx skattat l-inċident;

(iii) il-miżuri ta’ mitigazzjoni applikati u li għadhom fis-seħħ;

(iv) fejn applikabbli, l-impatt transfruntier talinċident;

(e) fil-każ ta’ inċident li jkun għadu għaddej fiż-żmien tas-sottomissjoni tar-rapport finali msemmi fil-paragrafu (d), lentitajiet ikkonċernati għandhom jipprovdu lis-CSIRT, rapport ta’ progress minnufih u rapport finali fi żmien xahar (1) minn meta jkunu ttrattaw l-inċident.