Fl-implimentazzjoni tal-artikolu 19, id-Dipartiment tas-CIP għandu mingħajr ma jimponi jew jiddiskrimina favur l-użu ta’ kwalunkwe tip ta’ teknoloġija partikolari, jinkoraġġixxi l-użu ta’ prodotti tal-ICT, servizzi tal-ICT u proċessi tal-ICT, żviluppati mill- entità essenzjali jew importanti jew akkwistati minn partijiet terzi, li huma ċċertifikati taħt l-iskemi Ewropej taċ-ċertifikazzjoni taċ- ċibersigurtà adottati skont l-Artikolu 49 tar-Regolament (UE) 2019/ 881 tal-Parlament Ewropew u tal-Kunsill tas-17 ta’ April 2019 dwar l- ENISA (l-Aġenzija tal-Unjoni Ewropea għaċ-Ċibersigurtà) u dwar iċ- ċertifikazzjoni taċ-ċibersigurtà tat-teknoloġija tal-informazzjoni u tal- komunikazzjoni u li jħassar ir-Regolament (UE) Nru 526/2013 (l-Att dwar iċ-Ċibersigurtà):

Iżda d-Dipartiment tas-CIP, jew fejn maħtura l-awtorità kompetenti, għandhom jeħtieġu, fejn applikabbli, li l-entitajiet essenzjali u importanti jużaw tali prodotti tal-ICT, servizzi tal-ICT u proċessi tal-ICT:

Iżda wkoll li kategoriji speċifiċi ta’ entitajiet essenzjali u importanti elenkati fl-atti delegati tal-Kummissjoni, għandhom jużaw ċerti prodotti tal-ICT, servizzi tal-ICT u proċessi tal-ICT iċċertifikati jew jiksbu ċertifikat taħt skema Ewropea taċ-ċertifikazzjoni taċ- ċibersigurtà adottata skont l-Artikolu 49 tar-Regolament (UE) 2019/ 881.